Short Range Certificate (SRC) – Cours am Grupp mat Examen
Viraussetzungen:
- Nëmme fir déi déi schonn een UBI-Schäin hunn oder déi am UBI- an am SRC-Cours ugemellt sin an den Examen fir den UBI an SRC zäitgläich maachen.
- Gutt Basiswëssen am Engleschen.
- Fir kënne mat der Software ze üben, brauch een en Windows-fäege PC oder Laptop.
Inhalt vum Cours:
1/3 Theorie an 2/3 Praxis um Funkapparat M423 vun der Mark ICOM mat engem DSC
-Controller.
Mer üben um selwechte Modell wéi am Exame benotzt gëtt. Dat huet de Virdeel dass de Participant sech net am Examen emgewinne muss.
De Cours ass ganz bewosst op max. 8 Leit limitéiert. Der musst Iech d’Funkanlag net mat engem aneren deele mee jidderee setzt u sengem eegenen Apparat. Sou kritt jiddereen d’Geleeënheet fir de Funkapparat an den DSC-Controller selbstänneg ze bedéngen a léiert spilleresch d’Schwätzen um Mikro wéi och d’Verschécke vun DSC-Alarmer unhand vu ville Beispiller aus der Realitéit déi mer zesummen duerchginn. Um Enn vum Cours fillt jiddereen sech sécher am Ëmgang mat dem Funkapparat an dem DSC-Controller an ass an der Lag fir funktechnesch all Situatioun u Bord mat der néideger Rou ze meeschteren.
Zudeem ginn di verschidden Elementer vum GMDSS (NAVTEX, EPIRB, …) erkläert.
Als Member vun der AMERC wësse mer natierlech iwwert di läscht Neiegkeeten aus der maritimmer Funkwelt z’erzielen.
Wéini:
08.12.2024 + 02.03.2025 + 09.03.2025
Wou:
An der Emgéigend vun der Stad Lëtzebuerg.
Sprooch:
Lëtzebuergesch
Unzuel vu Leit am Cours:
Max. 8
Präis vum Cours:
Cours SRC : 220 €
Cours UBI mam SRC : 320 €
Am Präis vum Cours sinn mat abegraff: Léierbuch, Funkfibel, Übungssoftware,…
Präis vum Examen:
Den Theorieexamen a prakteschen Exame ginn vum Institut Luxembourgeois de Régulation (ILR) organiséiert.
Offizielle Präis fir den Examen SRC: 25 € (Theorie) + 45 € (Praxis)
Offizielle Präis fir den Examen UBI: 20 € (Theorie) + 35 € (Praxis)
Datum vum Examen:
Theorieexamen:
14.01.2025
Praxisexamen:
En ass an der Woch zweschen dem 17.03. an 28.03.2025 a kann nëmme gemaach gi wann een den Theorieexame gepackt huet.
Aschreiwen (provisoresch) an de Cours:
Iwwer de Kontaktformulaire.
Aschreiwen an den Theorieexamen:
Direkt beim Institut Luxembourgeois de Régulation (ILR) : Formulaire
Delai fir sech an den Theorieexamen anzeschreiwen: 26.11.2024